ماللعمـر.. قيمه إذا غاب طاريـك

ما للعمر قيمة إذا غاب طاريك
ما للخفوق إحساس ينبض بلياك

يا تاج راس الناس ياروح مغليك
أفداك كلي لك وأنا كلي أفداك

أرجوك لا ترحل أنا ميتن فيك
خلك قريب وما أبي نار فرقاك

إنت الدوا لجروح قلبن يناديك
وإنت الرجا لإنسان يائس ترجاك

وانت الوفا لا خان غيرك ألاقيك
وإنت الدفا لأحساس ما جرب شتاك

وأنت الدليل لمن غدا في صحاريك
وأنت الوطن لإنسان تايه يبي رضاك

وإنت البحر وأرسي أنا في مراسيك
وأبحر من المرسى وأعود لميناك

تنعاف ديرة ما بها إنتي وأنا أبيك
ما عاد تسوى دنيتي لا فقدناك